اضحكوا و موتوا بالضحك مع اختكم رحاب هههههه

من طرف رحاب الأحد نوفمبر 30, 2008 2:46 pm

1- واحد دا بنو ومرتو في رحلة في السيارة, وكي فاتو على ناطحة سحاب قال الطفل: وشي هذا يا بابا قال الأب: والله ما ندري, وزادو فاتو على مرأب للسيارات قال الطفل: وشي هذا يا بابا رد الأب: والله ما ندري وزادو فاتو على مسبح قال الإبن : وشي هذا يا بابا قال الأب: والله ما ندري. نطقت الأم وقالت: اسكت يا بني راك قلقت باباك. قال الأب: لا اتركي ابنك يسقسي باه يتعلم هههههههههههه.

2- وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوة هههههههههه.

3- وحد المعلم سقسا وحد التلميذ قالو أعطيني شيء يتمدد بالحرارة ويتقلص بالبرودة التلميذ قالو: العطلة يا أستاذ ، في الشتاء 15 يوم وفي الصيف 3 أشهر ههههههه.

4- واحد طلع في الكار وكان لا بس سباط تع 3000 الف وحد العجوزة عفست عليه قاللها الحاجة نحي رجليك راكي معفسة على 3000 الف ، قاتلو: وين راهم طاحولي ليا هههههههه.

5- قالك واحد زاد عندو ولد فيه شعرة واحدة في رأسه سماه محيرقة .